Հինգշաբթի 1 օգոստոսի կէս գիշերին Սուք Էլ Ղարպ գիւղաքաղաքի անմարդաբնակ մէկ շրջանէն
Պաապտայի շրջանին ուղղութեամբ արձակուեցան երեք հրթիռներ, որոնցմէ մէկը ինկաւ լիբանանեան
բանակի սպայակոյտի կեդրոնատեղիին մօտ: Ապահովական աղբիւրներ «Ժատիտ» պատկերասփիւռի
կայանին յայտնեցին, որ որեւէ մարդկային վնաս չէ արձանագրուած քաղաքայիններու եւ զինուորականներու
մօտ: Ըստ նոյն պատկերասփիւռի կայանին, հրթիռներէն մէկը չէ պայթած: Մէկ հրթիռ ինկած է
Իլհամ Ֆրայհայի տան պարտէզին մէջ գտնուող աւազանին մէջ: Ֆրայհայի բնակարանը միայն 100
մեթր հեռու է նախագահական պալատէն: